DANAUS

DANAUS

Aegypti frater, Argivorum Rex IX. Danaidum pater, qui Sthenelo Rege, vel huius fil. Gelanore, expulso, Argos tenuit, ibiqueve quinquaginta annos regnavit. Ab eo Graeci qui Pelasgi prius Danai dicti, literas Graecas reperisse dicitur. Euseb. in Chron. Apollod. Bibl. l. 11. Plin. l. 7. c. 56. Eust. in Hom. Dionys. Alex. Geogr. Hygin. Mythol f. 168. 177. Marm. Arundel., etc. Aegyptium et quidem hemnitam fuisse, urbe Chemm in Thebaide sitâ oriundum, Herodot. refert l. 2. c. 91. ac tertiam, post Cecropem nempe et Cadmum patruelem suum, Aegyptiorum Coloniam in Graeciam deduxisse, Marshamus docet; qui Danai adventus celebris est Graecorum epocha: contigit autem is, A. 72. post Cecropem; A. 4. Erichthonii Atheniensium Regis Navis, quâ vectus est, prima Apollod. l. 2. (eo quod ante illum ratibus navigaretur, Plin. l. 7. c. 56.) in marmore praef. πεντηκόντορος dicitur, a numero filiarum eius. Cum vero Athenas pervenisset, omine tauri a lupo superati, Gelanore cedente, regnum obtinuit, in cuius rei memoriam Apollinis λυκίου templum, cum statua, erectum, et lupi protome imposterum in nummis Argivorum sculpta est. Uti porro Cecrops Cecropiam, Cadmus Cadmeam, sic Danaus Argivorum ἀκρόπολιν (arcis nomen) condidisse perhibetur. Filiae vero eius, inter quas Amymone, B... Helice et Archedice, memorantur in marmore (ubi lectae a coeteris filiabus in Lindo facrificasse dicuntur) ob puteorum inventionem templa summosque honores adeptae sunt: eaedem initiationem Cereris, quam Θεσμοφόρια Graeci vocant, ex Aegypto attulêrunt: maritos suosoccidêrunt, Lynceo excepto, cuius priori uxor Hypermnestra a patre accusata et absoluta templum. Α᾿ρτέμιδος Πειθοῦς, Dianae Suadae, et Α῎φροδιτην Νικηφόρον, Venerem Victricem, dedicavit; ipsa apud Argos sacerdotio Iunonis functa etc. vide hanc in rem plura apud Ioh. Marshamum Canone Chron. ad Sec. IX. et supra voce Belides. ei successit Lynceus gener, quem vide.